ದೈವೊ ಕೇನಂದಿ ಪೋಟೋ ವೀಡೀಯೋ, ‌‌ದೈವರಾಧನೆಡ್ ನಮಕ್ ದಾಯೆ ಫೋಟೋ‌- ವೀಡೀಯೋ?

ಸೋಷಿಯಲ್ ಮೀಡಿಯಾ ಟ್ರೇಂಡ್  ಸುರು ಆಯಿಬೊಕ್ಕ,..

ಐಟ್ಲಾ 4G ಯುಗ ಬತ್ತಿಬೊಕ್ಕ LIVE ಟ್ರೆಂಡ್ ಸುರು ಆತ್ಂಡ್, ವಿಡೀಯೋ ಶೂಟ್ ಮಲ್ತ್ ಯೂಟ್ಯೂಬ್ ಪಾಡುನ ಅಬ್ಬೇಸ ಸುರು ಆತ್ಂಡ್.

ಆಂಡ ಉಂದೆತ ಅವಾಂತರ ಒಂಜಿ ರಡ್ಡ್ ಅತ್ತ್.

ಈ ಆಚರಣೆ, ಆರಾಧನೆದ ಬಗ್ಗೆ ಗೊತ್ತು ದಾಂತಿನಕುಲು ಬೊಡ್ಚಾಂದಿನ ರೀತಿ ಕಮೆಂಟ್ ಮಲ್ಪರೆ ಸುರು ಮಲ್ದೆರ್,

ಕುಡೊಂಜಿ ಕಡೆಟ್ ಯೂಟ್ಯೂಬುಡ್ ನಾರ್ಥ್ ಇಂಡಿಯನ್ಸ್, ಫಾರಿನರ್ಸ್ ಮಸ್ತ್ ತಿರ್ತ ಮಟ್ಟೊಡು ಅಶ್ಲೀಲವಾದ್ ಕಮೆಂಟ್ ಮಲ್ದಿನ ಮಸ್ತ್ ವೀಡಿಯೋಲು ಉಂಡು.

ಈತ್ ಮಾತ್ರ ಅತ್ತ್. ಕೆಲವು ಕಡೆಟ್ ದೈವರಾಧನೆದ ನಲಿಕೆ,‌ಗಗ್ಗರ ಸೇವೆನ್ ಮಾತ ಫನ್ನಿ ಎಡಿಟಿಂಗ್ಸ್ ಮಲ್ತೊಂದುಲ್ಲೆರ್, ಕೆಲವು ಕಾಮಿಡಿ ಟೈಟಲ್ ಕೊರ್ದು ಅಪ್ಲೋಡ್ ಮಲ್ತೊಂದುಲ್ಲೆರ್.

ನನ ಒಂತೆ ದುಂಬು ಪೋಂಡ, ಮೂಡನಂಬಿಕೆ, ಪ್ರಾಣಿ ಹಿಂಸೆ ಪುದರ್ ಕೊರ್ದು ಉಂತಾವುನ ಬರು. ಕೋರ್ಟ್ ಪೋದು ದೈವರಾಧನೆ ಮಲ್ಪುನ ಕಾಲ ಬರು. ನನಂಡಲಾ ಜನ ಜಾಗೃತಿ ಆದ್ ವೀಡಿಯೋ ಮಲ್ಪುನ ಉಂತಾವುನ ಎಡ್ಡೆ.

ಲೈಕ್ಸ್ , ವಿವ್ಸ್,‌ ಕಮೆಂಟ್ಸ್ ಗ್ ಬೋಡಾದ್ ವೀಡಿಯೋ ಮಲ್ತ್ ದುಂಬುಗು ಮಾಮಲ್ಲ ಆಪತ್ತ್ ಕನಡೆ.

ದೈವ ಏಪಲಾ‌ ಪ್ರಚಾರ ಕೇನುಜಿ. ದೈವೊಗು ವೀಡಿಯೋ, ಪೋಟೋತ ಅಗತ್ಯನೇ ಇಜ್ಜಿ. ಬೋಡಾಯಿನ ಸೇವೆ ಕೊರ್ಲೆ ಯಾವು.

ದಯಾದೀದ್ ದೈವರಾಧನೆ ಮಲ್ಪುನಕುಲು, ಸಮಿತಿ- ಸಂಘದಕುಲು ಕಡ್ಡಾಯವಾದ್ ದೈವಾರಾಧನೆಡ್ ಪೋಟೋಗ್ರಾಫಿ, ವೀಡಿಯೋಗ್ರಾಫಿ ನಿಷೇಧ ಮಲ್ಪುನಂಚಿ ಯೋಚನೆ ಮಲ್ಪುಲೆ.

ಇಜಿಂಡಾ ಈ ಬಗ್ಗೆ ನಿಯಮೊಲೆನ್ ಕನಲೆ.

ದುಂಬುಗು ಬರ್ಪಿನ ಸಂಕಟೊಗು ಇತ್ತೆನೇ ಸಾದಿ ನಾಡುನ ಎಡ್ಡೆ ಪಂದ್ ಎಂಕ್ಲೆನ ಅಭಿಪ್ರಾಯೋ.

ಮೂಲ:   ಜೈ ತುಳುನಾಡ್ (ರಿ.) ಸಂಘಟನೆ